საქართველოს საგარეო საქმეთა სამინისტრო

ინფორმაცია ნეპალში გამგზავრების მსურველი საქართველოს მოქალაქეებისთვის

ნეპალში გამგზავრების მსურველ საქართველოს მოქალაქეებს ვიზის მიღება შეუძლიათ ნეპალის სახელმწიფო საზღვრის გამშვები პუნქტის გადაკვეთისას.
 

საზღვარზე ვიზის მიღების პროცედურები და საფასური

 
პირველი ეტაპი

• შეავსეთ „ჩაფრენის ბარათი“;
• შეავსეთ „ტურისტული ვიზის“ აპლიკაციის ფორმა ( მისი შევსება შეგიძლიათ წინასწარ საიმიგრაციო დეპარტამენტის ვებ-გვერდზე: http://nepalimmigration.gov.np/ ან ნეპალის აეროპორტში, სადაც მას სპეციალურ ავტომატიზებული მოწყობილობა გასცემს). იმ შემთხვევაში თუ აპლიკაციას წინასწარ შეავსებთ, თქვენ მიიღებთ განაცხადის შეტანის ქვითარს მასზე დატანილი შტრიხ-კოდით. გთხოვთ ის ამობეჭდოთ და თან იქონიოთ. ქვითრის მოქმედების ვადა შეადგენს 15 დღეს, ამ ვადის გასვლის შემთხვევაში თქვენ მოგიწევთ აპლიკაციის თავიდან შევსება.

• გთხოვთ გადაიხადოთ შესაბამისი ვიზის მოსაკრებელი ბანკში;
• მიიღეთ ქვითარი;

• 15 დღე - 25$;
• 30 დღე - 40$;
• 90 დღე - 100$;

• გთხოვთ მიბრძანდეთ საიმიგრაციო სამსახურის დახლთან და თან იქონიოთ საიმიგრაციო დეპარტამენტის ვებ-გვერდიდან ამობეჭდილი აპლიკაცია, გადახდის ქვითარი და პასპორტი;
• მიაწოდეთ თქვენი დოკუმენტები საიმიგრაციო ოფიცერს, რომელიც თქვენთვის ვიზის გაცემის საკითხს განიხილავს;

ქ. ვენაში (ავსტრიის რესპუბლიკა) ნეპალის საელჩოს საკონტაქტო ინფორმაცია:

მისამართი : Schwindgasse 5/1/6, 1040 Wien
ტელეფონი: +43 1235 02 75 01; +43 1235 02 76 20 (საკონსულო);
ელ-ფოსტა: consular@nepalmission.at; ambassador@nepalmission.at  
ვებ_გვერდი: https://at.nepalembassy.gov.np/ 

ნეპალის საგარეო საქმეთა სამინისტროს ვებ–გვერდი: http://www.mofa.gov.np