საგარეო საქმეთა სამინისტროს განცხადება აშშ-ში მომხდარ ტერორისტულ აქტთან დაკავშირებით

1.11.2017 ქ. თბილისი - საგარეო საქმეთა სამინისტრო ღრმა შეშფოთებას გამოხატავს 2017 წლის 31 ოქტომბერს, ნიუ-იორკში მომხდარი ტერორისტული აქტის გამო, რომლის შედეგადაც არაერთი ადამიანი დაიღუპა და დაშავდა. 

შეძრწუნებული ვართ დატრიალებული ტრაგედიით და გულითადად თანავუგრძნობთ საზარელი აქტის მსხვერპლთა ოჯახებსა და ახლობლებს.

მწუხარების ჟამს, მხარდაჭერასა და სოლიდარობას ვუცხადებთ ამერიკელ ხალხსა და ამერიკის შეერთებული შტატების მთავრობას.