2012 წლის 13 აგვისტოს, საქართველოს ელჩმა ნეპალის ფედერაციულ დემოკრატიულ რესპუბლიკაში (რეზიდენციით ქ. ნიუ დელი) ზურაბ კაჭკაჭიშვილმა რწმუნებათა სიგელები გადასცა ნეპალის ფედერაციული დემოკრატიული რესპუბლიკის პრეზიდენტს, დოქტორ რამ ბარან იადავს. ცერემონიის შემდეგ გაიმართა ხანმოკლე პირისპირ შეხვედრა ნეპალის პრეზიდენტსა და საქართველოს ელჩს შორის. განხილულ იქნა ორმხრივი თანამშრომლობის საკითხები და მომავალში ურთიერთობების გაღრმავების შესაძლებლობები.