2012 წლის 16-17 აგვისტოს, ავსტრიის რესპუბლიკის ქალაქ ზალცბურგში გაიმართა საერთაშორისო კონფერენცია "ზალცბურგის ტრილოგია 2012" (Trilogue Salzburg 2012 - Tackling the Global Gordian Knot: Can economic growth be socially inclusive and environmentally sustainable?), რომელშიც ევროპის ქვეყნების მთავრობათა მაღალი რანგის პირები, ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენელი ქეთრინ ეშტონი, ასევე გავლენიანი ანალიტიკური ცენტრების ხელმძღვანელები მონაწილეობდნენ. კონფერენციაზე, საქართველოს მთავრობის სახელით, სიტყვით გამოვიდა საგარეო საქმეთა მინისტრი გრიგოლ ვაშაძე.

2012 წლის 16 აგვისტოს, საქართველოს დელეგაციამ, ვიცე-პრემიერის, რეინტეგრაციის საკითხებში სახელმწიფო მინისტრის ეკა ტყეშელაშვილის ხელმძღვანელობით, მონაწილეობა მიიღო დომინიკის რესპუბლიკის პრეზიდენტის დანილო მედინასათვის საპრეზიდენტო მანდატის გადაცემის ცერემონიაში, რომელიც ქ. სანტო-დომინგოში გაიმართა.