მ.წ. 1 აპრილიდან, აზერბაიჯანის რესპუბლიკაში ძალაში შევიდა უცხოელებისა და მოქალაქეობის არმქონე პირების რეგისტრაციის ახალი წესები.

თურქეთის რესპუბლიკის ტერიტორიაზე შესვლის მსურველი უცხო ქვეყნების, მათ შორის  საქართველოს  მოქალაქეებისათვის,  რომლებიც  საზღვრის  გადაკვეთისას წარმოადგენენ მოქმედ პასპორტს ან პასპორტის შემცვლელ დოკუმენტს, სადაც არ არის დარჩენილი ცარიელი გვერდები, მათთვის მომზადდება ერთჯერადი „შესვლა-გასვლის" ფორმა, სადაც მოხდება შესვლა-გასვლის ბეჭდის დასმა,   სავიზო სტიკერის ჩაკვრა და მისი დამოწმება. ზემოაღნიშნული ფორმა უცხო ქვეყნის მოქალაქეებმა თან უნდა იქონიონ თურქეთის  რესპუბლიკის  ტერიტორიაზე  ყოფნის  განმავლობაში  და  თურქეთის რესპუბლიკის ტერიტორიის დატოვებისას, წარუდგინონ იგი სასაზღვრო-გამშვები პუნქტის თანამშრომლებს.

ბელარუსის რესპუბლიკის სახელმწიფო პროტოკოლის სამსახურის 2010 წლის 30 ივლისის №18-22/16938 ნოტაზე დაყრდნობით, ბელარუსის რესპუბლიკამ სარეგისტრაციო გადასახადისაგან გაანთავისუფლა ბელარუსის რესპუბლიკაში დროებით მყოფი ის უცხო ქვეყნების მოქალაქეები, რომლებიც სტუმრად იმყოფებიან ბელარუსის რესპუბლიკის საგარეო საქმეთა სამინისტროში აკრედიტირებული დიპლომატიური წარმომადგენლობების და საკონსულო დაწესებულებების, ასევე საერთაშორისო ორგანიზაციების წარმომადგენლობებისა და ორგანოების მეთაურებთან ან თანამშრომლებთან.

2012 წლის 1 ოქტომბრის საქართველოს საპარლამენტო არჩევნებთან დაკავშირებით საზღვარგარეთ შექმნილია 45 საარჩევნო უბანი. ცესკო–ს ცნობით, არჩევნებში მონაწილეობის მიღების შესაძლებლობა ექნება საქართველოს საზღვრებს გარეთ მცხოვრებ 42 613 საქართველოს მოქალაქეს.

ირანის ისლამურ რესპუბლიკაში მიუმხრობლობის მოძრაობის წევრი ქვეყნების მეთაურთა მე-16 სამიტის ჩატარებისა და უსაფრთხოების განსაკუთრებული ზომების მიღების აუცილებლობიდან გამომდინარე, ირანის ისლამურ რესპუბლიკაში გამგზავრების მსურველი ორდინალური პასპორტების მფლობელი საქართველოს მოქალაქეებისათვის,უვიზო რეჟიმი, 2012 წლის 5 აგვისტოდან 2012 წლის 31 აგვისტოს ჩათვლით, დროებით შეჩერდება.

2011 წლის 25 დეკემბერს „უცხოელთა და მოქალაქეობის არმქონე პირთა სამართლებრივი სტატუსის შესახებ" უკრაინის კანონის ძალაში შესვლამდე, უცხოელი სტუდენტების უკრაინის ტერიტორიაზე შესვლა/გასვლა ხორციელდებოდა მათ პასპორტში „უცხოელების მიერ უკრაინის ტერიტორიაზე შესვლის, გასვლის და ტრანზიტულად გადაადგილების წესის" მესამე დანართით გათვალისწინებული სწავლების შესახებ ბეჭდის საფუძველზე.

2012 წლის 1 ივნისიდან, სლოვაკეთის რესპუბლიკაში გამგზავრების მსურველმა საქართველოს მოქალაქემ მოკლევადიანი (90 დღემდე მოქმედების ვადით) "A" და "C" კატეგორიების ვიზების მისაღებად უნდა მიმართოს ქ.თბილისში არსებულ ლიტვის რესპუბლიკის საელჩოს.