2011 წლის 25 დეკემბერს „უცხოელთა და მოქალაქეობის არმქონე პირთა სამართლებრივი სტატუსის შესახებ" უკრაინის კანონის ძალაში შესვლამდე, უცხოელი სტუდენტების უკრაინის ტერიტორიაზე შესვლა/გასვლა ხორციელდებოდა მათ პასპორტში „უცხოელების მიერ უკრაინის ტერიტორიაზე შესვლის, გასვლის და ტრანზიტულად გადაადგილების წესის" მესამე დანართით გათვალისწინებული სწავლების შესახებ ბეჭდის საფუძველზე.

2011 წლის 25 დეკემბრის შემდეგ უცხოელი სტუდენტების უკრაინის ტერიტორიაზე შესვლა/გასვლა „უცხოელთა და მოქალაქეობის არმქონე პირთა სამართლებრივი სტატუსის შესახებ" უკრაინის კანონის მე-15 მუხლის თანახმად, ხორციელდება პასპორტის და დროებითი ბინადრობის მოწმობის საფუძველზე.

ვინაიდან, ბევრმა სტუდენტმა ვერ მოასწრო უკრაინაში დროებითი ბინადრობის მოწმობის გაფორმება, უკრაინის მინისტრთა კაბინეტმა მიიღო გადაწყვეტილება 2012 წლის 10 ოქტომბრამდე უცხოელ სტუდენტებს მიეცეთ შესაძლებლობა გადაკვეთონ უკრაინის საზღვარი პასპორტში სწავლების შესახებ ბეჭდის საფუძველზე.