საქართველოს პრეზიდენტის დავალებით საგარეო საქმეთა სამინისტრომ 2012 წლის ოქტომბერში დაგეგმილ არჩევნებზე დამკვირვებლების გამოგზავნის თხოვნით ოფიციალური ფორმალური მოსაწვევი გაუგზავნა საერთაშორისო ინსტიტუტებს - ეუთოს ადამიანის უფლებების და დამოკრატიული ინსტიტუტების ბიუროს (ODIHR), ეუთოს საპარლამენტო ასამბლეას (OSCE PA), ევროსაბჭოს საპარლამენტო ასამბლეას (PACE), ნატოს საპარლამენტო ასამბლეას (NATO PA), ევროპარლამენტს და ევროკავშირის ინსტიტუტებს.
2012 წლის 21 მაისს, საქართველოს საგარეო საქმეთა სამინისტროში გაიმართა შეხვედრა საქართველოს საგარეო საქმეთა მინისტრის მოადგილეს, დავით ჯალაღანიასა და საქართველოში თურქეთის რესპუბლიკის საგანგებო და სრულუფლებიან ელჩს, ლევენთ მურათ ბურჰანს შორის.
საქართველოს საგარეო საქმეთა სამინისტრო გამოხატავს ღრმა მწუხარებას, 2012 წლის 19 მაისს, იტალიის რესპუბლიკაში, ემილიის რეგიონში მომხდარი მიწისძვრის გამო, რომელსაც ძლიერი ნგრევა და ადამიანთა მსხვერპლი მოჰყვა.
2012 წლის 17 მაისს გაიმართა სატელეფონო საუბარი საქართველოს საგარეო საქმეთა მინისტრს გრიგოლ ვაშაძესა და აზერბაიჯანის საგარეო საქმეთა მინისტრს ელმარ მამედიაროვს შორის. საუბრისას განხილულ იქნა ორმხრივი ურთიერთობების აქტუალური საკითხები. მათ შორის, საუბარი შეეხო ქართული კულტურული ძეგლის, დავით გარეჯის სამონასტრო კომპლექსის უდაბნოს მონასტრის საკითხს, რომელიც აზერბაიჯანელი მესაზღვრეების პატრულირების მარშრუტის გადანაცვლებამ წამოჭრა.
2012 წლის 17 მაისს საქართველოს საგარეო საქმეთა მინისტრის მოადგილემ ნინო კალანდაძემ მიიღო საქართველოში თურქეთის რესპუბლიკის საგანგებო და სრულუფლებიანი ელჩი ლევენთ მურათ ბურჰანი.
2012 წლის 15 მაისს, საქართველოს საგარეო საქმეთა მინისტრის პირველმა მოადგილემ ნიკოლოზ ვაშაკიძემ შეხვედრა გამართა საქართველოში სომხეთის რესპუბლიკის საგანგებო და სრულუფლებიან ელჩთან ჰოვანეს მანუკიანთან.
