საგარეო საქმეთა სამინისტროში საქართველოს დიპლომატიური მისიის ხელმძღვანელთა მონაწილეობით ცესკოს თავმჯდომარესთან შეხვედრა გაიმართა
2024 წლის 13 ივნისს საგარეო საქმეთა მინისტრი ილია დარჩიაშვილი ცენტრალური საარჩევნო კომისიის (ცესკო) თავმჯდომარეს, გიორგი კალანდარიშვილს შეხვდა. საგარეო საქმეთა სამინისტროში გამართულ შეხვედრაზე საზღვარგარეთ საქართველოს დიპლომატიური წარმომადგენლობების ხელმძღვანელებს 2024 წლის საპარლამენტო არჩევნების ადმინისტრირების საკითხები გააცნეს. შეხვედრას ესწრებოდნენ მინისტრის მოადგილეები, საზღვარგარეთ აკრედიტებული საქართველოს ელჩები და გენერალური კონსულები.