ილია დარჩიაშვილი რუმინეთის საგარეო საქმეთა მინისტრს შეხვდა
მიუნხენის უსაფრთხოების კონფერენციის ფარგლებში, გაიმართა შეხვედრა საქართველოს საგარეო საქმეთა მინისტრსა და რუმინეთის საგარეო საქმეთა მინისტრს შორის.
ილია დარჩიაშვილმა და ბოგდან აურესკუმ ისაუბრეს ორმხრივი ურთიერთობის მიმდინარე დღის წესრიგზე. ასევე, შეხვედრაზე განსაკუთრებული ყურადღება გამახვილდა საქართველოს ევროპული და ევრო-ატლანტიკური ინტეგრაციის საკითხებზე. მინისტრები მიესალმნენ საქართველოსა და რუმინეთს შორის გაფორმებულ სტრატეგიულ დოკუმენტს და შეთანხმდნენ, დოკუმენტის იმპლემენტაციის მიზნით, აქტიურად იმუშაონ შესაბამის სამოქმედო გეგმაზე.
გარდა ამისა, მინისტრებმა გაცვალეს მოსაზრებები რუმინეთში გაფორმებული შავი ზღვის წყალქვეშა ელექტროკაბელის შესახებ ოთხმხრივი შეთანხმების მნიშვნელობაზე და ამ მიმართულებით დაგეგმილ ღონისძიებებზე. რუმინეთის მხარემ კიდევ ერთხელ გამოხატა მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ.
